كلمات اغاني البوم راشد الماجد 2009 (نور عيني )

الريش

والله طلع لك ريش يالزين وصرت تطير
الملح ويالعيش ماله معك تأثير
ربينا دلعنا وقلنا النهاية خير
وآخرها بايعنا ورايح لحضن الغير

مقيولة وإنت أدرى وتعرفها يالمزيون
إحذر عدوّك مرة وحبيبك مليون
ماجات في بالي ألعب على المضمون
سلمت لك حالي ماأحسبك يوم تخون

الحظ لامن طاح يتعب معه راعيه
أزرع أنا التفاح وغيري تهنّا فيه
شكواي أنا لله ماخاب من يرجيه
ومعروفنا يالله وسط البحر نرميه

اللي لقى أحبابه

اللي لقى أحبابه
نسى أصحابه
يادنيا ياغرّابه
كان العشم يبقى لي
ويموت فيني لحالي
لاماطرى في بالي
كذا الغالي
ينسى ويطول غيابه
يادنيا ياغرّابه

أيام كم عشناها
ياماحلاها
وشلون بس ينساها
وصار بسلامه يبخل
وتمر سنة ومايسأل
وشلون يازمن الأول
كذا أتحول
وليه عشرته كذّابة
يادنيا ياغرّابة

يدري في عيني داره
ومقداره
لكن طريقه إختاره
خلوه يشوف ويجرب
ومايلقى غيري حبيّب
وإن كان معدنه طيّب
أنا طيّب
وقليبي فاتح أبوابه
يادنيا ياغرّابة

وش جاه

وش جاه محبوبي مشى وخلّاني
مابين نيراني وبين أحزاني
واللي يسوي سواته ماهو عاقل
يحبني موت ويصاحب ثاني

خلوه على كيفه يدور غيري
يرتاح وأرتاح أنا من تفكيري
مافاد لاحبي ولاتقديري
مابيه حتى لو تعنّى وجاني

والله شكله من البداية خاين
خداع مافي شي في عينه باين
للحب والعشرة أبد مو صاين
ضحّكته وياللأسف بكّاني

ويلاه

ويلاه ضاق الصدر وماذكر يسأل عليّ ويلاه
نسّاه طول الهجر وإلا الصبر من قسوته قسّاه

وماصار منّي خطا غير العطا والتضحية ماصار
جبّار ياهالزمن ماتنضمن فيك البشر جبّار

ويلاه

حنّيت لإحساسنا بوصالنا من كثر ماحنّيت
حسيت إن الوصل يمكن حصل لكني ماحسّيت

يالله ياربهم أهديتهم فـ أهديه يالله
رباه رب البشر رب القدر كان القدر فرقاه

ويلاه

أسمعك

أسمعك كمل كلامك بعد أحبك إيش قلت
تحسب إني يوم أطالع
لاوربي ماتنهدت ماتصدد ماثقّلت
أسمعك وأشوف غيرك
وأحمد الله إني معك إني معك وأسمعك

أنت ياللي طول عمري ماعرفت ولاجهلت
ضعف نفسي لين ربي في فؤادي ربّعك
جيتني مثل الجنون ويوم فارقتك عقلت
وهاك شفني بعت عقلي
جيت بجنون أتبعك أتبعك وأسمعك

وين أفارق حبك اللي لاتركته لاوصلت
وين أجمّع نفسي ياللي لانتثرتك تجمعك
وكيف أبطلع من غرامك وأنت في قلبي نزلت
وكيف أبنزل دون قلبٍ حالف إن يطلعك
أسئلة واجد ولو إنك واحدٍ منها سألت

كان ماتعّبت نفسك وأنت تفرك بإصبعك
إيه أحبك بس كمّل كلامك بعد أحبّك إيش قلت
المهم إن طال صمتي أدري إني أسمعك

ناويٍ ترجع

ناويٍ ترجع حبيبي تعتذر عن كل شي
بس أنا خايف تجيني ماتلاقي فيني شي
لا إيدين تمسّها ولادموع تحسّها
لاتحاول ياحبيبي عندي كل شي إنتهى

إنسى إني كنت أحبك
وكل حاجة بالمحبة وكل لحظة عشتها
كنت فرحة بس راحت
ولك أنا قدمت روحي وأنت رحت وخنتها

لاتفكّر إني بجيك أعتذر لك ماأبيك
شوف نفسك ياحبيبي أنت من كرّهني فيك

سقاني

سقاني من قربوا الألم
وقلبي في حبوا إنظلم
من أجلو كم مرة أنا
صفقت كفّيني ندم
سويت لو كل مستحيل
وبعينو إخلاصي قليل
لكنو ناوي ع الرحيل
سلام مني لو رحل
والباب يوسع لو جمل

رضيت منو كل جفا
ولقيت ماعندو وفا
اللي يهني بو ينام
ويسيب جفني ماغفا
عايش معو كل هالسنين
أرضيه كل ساعة وحين
وله قلب قاسي مايلين
ماعاد لي منو أمل
والباب يوسع لو جمل

هويته من دون البشر
هجرني وهو اللي خسر
عطيتو من قلبي وفا
وأعطاني جروح وسهر
ماردّ لي ربع الجميل
أسقيه ولغيري يميل
كل شي قالو له بديل
وأكيد بلقا لو بدل
والباب يوسع لو جمل

يمه إرحميني

تبغاني أتعب وأنت ماتتعب شلون
هذا الهوى مافيه يمه إرحميني
لاتقول ميّت فيك واجد يقولون
أنا وين أصرف كلمة تموت فيني

الحب ماهو لعب لاوالله مجنون
ماهو بيديك إن جاء وإلا بيديني
بكّى كثير عيون وأسهر له عيون
وأول عيونٍ ذاقت الضيم عيني

ياتحب زيك زي ماهم يحبّون
ويمناك لحظة ماتفارق يميني
ياتجيني كلك حب وتحب بجنون
يايفتح الله لاتفكّر تجيني

مستريح البال

مستريح البال لاقيلٍ وقال
شاري الراحة مالي بالهموم
الهوى ياناس هو بالعدال
لو صفى لك يوم ماضنه يدوم
من يذوق الحب عرف طعم الليال
يشتكي منه ولايقدر يلوم
والعمر لاراح مايرجع محال
لا ولايرجع حتى في الحلوم
وإن طرى للي يسألني سؤال
جاوبه قلبي خلنا من الهموم
خلني مرتاح ياولد الحلال
عاشق الراحة عساها لي تدوم

على كثر السنين

على كثر السنين اللي عرفتك ماعرفتك زين
تمنيت إني ماشفتك ولا لحظة ولا شوية
حسبت أنت وأنا نبقى حبايب نبقى أحلى اثنين
حسبتك تبقى لي طول العمر مخلص وفي ليّا
وأثاري حبنا كذبة نسيت العشرة في يومين
زرعت الشوك وأنا بنفسي غرست الهم بيديّا

أنا ماكنت أظن اللي يحب يحب له شخصين
على بالي أنا لحالي وحبيبي يموت بس فيّه
على النية مشيت وماعرفت أمشي معاه لوين
إلين الوقت بيّن لي نوايا غدر مخفية
تعال وشوف وش كثر الدموع اللي تخون العين
كثر ماخانني حظي وعرفتك وأنت موليّه

أنا شاللي يصبّرني على همّي معاك للحين
خلاص إبعد وأنا ببعد ولاتسأل أبد فيّه
وإذا قصدك تبيع وتشتري قلبي أنا بحرفين
أبمحي الحب من قلبي وأعيشك ذكرى منسيّه
أناني مثل مانت ولايفرق معاك البين
وأنا ماعاد تعني لي وخسارة فيك ماضيّة

ياهلا

ياهلا باللي عوّد
على الزعل ماتعوّد
يدري أني أحبه
وهو على حبي زوّد

لو زعل ماتمادى
الوفى فيه عادة
عود لقلبي حبيبي
اللي ماأقوى بعاده

ياهلا بنور عيني
اللي حس بحنيني
ذا دليل المحبة
صدق أبيه ويبيني

ياهلا باللي جاني
نوّر وشرّف مكاني
خلا كلمة حبيبي
أحلى كلمه بلساني

أجيبه

أجيبه يعني أجيبه
لو كان تحت الحراسة
لاتقولوا مقدر أجيبه
لاتقولوا هذي صعيبة
ودانه ودانه دانه
ودانه ودانه دانه
أجيبه يعني أجيبه
لو كان تحت الحراسة
بحط عيني بعينه
يشوف زينه وشينه
والله لسدد له دينة
مغرور ياقو باسه
بحط راسي براسه
وأذوّقه مر كاسه
جاهل بأمور الغرام
مايقدّر أهله وناسه

تسلم ايدك

على مجهودك

تقبلى مرورى