وطنى : مذاجى : الجنس : مشاركاتى : 820موقعى المفضل : https://love4ever2008.yoo7.comالعمل/الترفيه : مدرب ومدلك رياضىمطربى المفضل : جورج وسوفنقاط : 59032
موضوع: الوطن غالى غالى الثلاثاء سبتمبر 22, 2009 9:52 pm
الوطن غالي
بحبك يافلسطين
حكايتي حكايتي النهار ده مش أي حكاية ، حاسس زي ما يكون بركان ، انفجار جوايه ، ومش قادر اخبي اللي حاسس بيـه ، ولكني أنا أيه اللي في أيدي ولا اعمل أيه ، في حلمي شايف أم بتبكي وتقولي احكي أتكلم عرفهم انه الوطن غالي ، وأم تانيه تقولي قول للعرب عجبك حالي ، وأم بتصرخ أغيثوني يا عرب ، أولادي ماتوا وبيتي أتخرب ، في حلمي شايف شفاه اتحرمت من الابتسامة ، ونظرات في عيون أم كلهـــا ملامة
نقره على هذا الشريط لعرض الصورة بالمقاس الحقيقي
أم في حضنها طفلين ، طفلين زي القمر حلوين آخين توأم ، اسمهم حسن وحسين ، وخداهم في حضنها وهم في دمهم غرقا نين ، نفسها تصرخ بس صوتها ضايع لكنها بتحاول ، في عيونها دمعه بتحاول تدريها ، تضحك شويه وتقول تحيا غزه ، وتبكي أوي وتقول تحيا فلسطيـن
نقره على هذا الشريط لعرض الصورة بالمقاس الحقيقي
في حلمي شايف ، شايف طفل واقف بيبكي ويضحك من بعيد ، قربت منه وسألته بتبكي ليه ، قال علي حال الأمة ، قولت وتضحك ليه....؟ قالي .... ! همـــوت شهيـــد ، وادي كمان طفل واقف علي بعد كم خطوه منه لهيب و نار ، وعيون اتحرمت من الابتسامة ، ابتسامته حرقها الدمار ، شايف طفل علي شكل حمامه بيضه ، شعار السلام ، ولكنها مضروبة بالنار
نقره على هذا الشريط لعرض الصورة بالمقاس الحقيقي
علي صدرها دم وعلي جناحه دم ، بالمختصر في قلبي جرح وهم ما يتلم ، في كل حته شايف دمار ودم شايف أطفال ونساء وشيوخ محاصرين ، محاصراهم ناس لا ذمة ولا دين ، شايف ناس في أيدها أغصان زيتون ، بتصرخ يا عرب عجبك حال غزه ، يا عرب عجبك حال فلسطين ، شايف خراب .. شايف ضباب ، شايف طفل واقف في ليالي سوده ما فها حتى شموع ، قدام عيونه صواريخ مدافع طيران وقنابل مسيله للدموع
نقره على هذا الشريط لعرض الصورة بالمقاس الحقيقي
طفل بفطرته ولكن بينادي بصوت عاااااالي ، يــا أمي إياكِ تشيلي همي ، اللي استشهد أمبارح مش غريب عني ، اللي استشهد أخويه وأبويه وعمي ، أنا ابن فلسطين ..! إياك تبكي الدم ده دمي ، التار ده تاري ، ده دين في رقبتي
كل يوم بشوف آلاف بتموت عشان بتقول لا ، وآلاف بتموت عشان بتقول الحق ، وآلاف ماتت عشان قالت بلدي ، يا غزة أولادك أبطال ، مش هتتنازل مهما خراب الحرب طال ، واقفين ومش خايفين ، في حلمي شايف شاب يادوب عدى من العمر الخامسة والعشرين ، قال بلدي وانهال عليه الرصاص من أيدين خاينين
نقره على هذا الشريط لعرض الصورة بالمقاس الحقيقي
وفي لحظه سمعت صوت ، صوت عالي ، بصيت وراية لقيت أم بتصرخ ولدي ، إترمت في حضنه ، قامت بتضحك قالت فداء بلدي
نقره على هذا الشريط لعرض الصورة بالمقاس الحقيقي
في حلمي شايف بنوته جميله سمره ، من كتر البكى عنيها حمره ، سألتها أنتي مين ، ضحكت ضحكه بحرقه ، قالت أنا خطيبة الشهيد ، اللي وعدته إني أوهب له عمري ، واللي يا ما قالي أنتي حبيبة عمري ، ولكنه سابني وراح لبعيد ، نسي وعده قابله حب جديد ، حب الوطن كان أغلى ، والشهادة عند ربه أسمى ، ولكني هفضل طول عمري علي ذكراه ، ودبله هتفضل في الأيد
في حلمي لقيت ناس ساكتين ، ناس كنت فاكر أنهم ظهر، لكن للأسف طلعوا خائفين ، ناس اللي في أيدها تعمله كتير ، ولكنهم مش عايزين ، منين يجي النوم ، ومنين هعرف أنام ، وأنا شايف الدم في كل مكان ، شايف الدم حتى في الأحلام هي دي حكايتي ، حكاية الوطن الغالــــي ، إحساسي بالذنب اللي مش سايبني فــي حالي ، وحكام بلادنا بتقول وأنا مالي ، هي دي حكايتي
وقال أيه ناس تقول مصر خاينه ، طيب وانتم ليه مش عاملين ، انتوا ليه ساكتين مش هقول معانا الحق ، ولكن نشيل الحمل لوحدنا لا ، لازم نكون واحد ، عشان القضية وحده ، والحلم واحد . مصـر بتقول كمبد يفيد والسلام ، وغيرها يقول مجلس الأمن والفيتو ومش عارف مين
متمسكين بكلام فاضي وإحنا بالنعال مضروبين ، وادي البرهان ، اللي حاصل في بلادنا في الأمة العربية ، في العراق ، وفي لبنان ، وفي غزه ، في فلسطين ناس تقول الخيانة من فلان ، وفلان يقول لا ..! عمالين نلف وندور ، وخايفين نقول الحق ، والحق هو القوه ..! واللي يملكها دائمــاً أحق
شباب قالت بلدي ، الوطن غالي ، ضحت بدمائها ، كان ممكن تقول أنا مالي ، لكنها وقفت وقفة رجولة ، ودفعت الثمن غالي ، دفعت دمائها ثمن للأرض ثمن للدفاع عن العرض ، ثمن عشان تحقيق الأحلام ، ثمن عشان الجيل القادم يعيش مرفوع الرأس ، يعيش سلام ،ثمن لأن الوطن غالي
اصحي اصحي يا أمه يا عربيه ، حماس وفتح مش هم القضية ، القضية حقيقة سوده مرسومه قدام عنيا ، وهي سبب سبب وجود غزه تحت النار ، تحت الحصار ، سبب نكسة سبعه وستين ، الحقيقة المرة هي خوفنا ، وحقوقنا بتضيع وإحنا عاجزين ، مش وقت لوم ولا الخلل من مين ومين لكن آن الأوان نشيل من فوق رؤوسنا الطين
اصحي يا امة نفسي نرد اعتبارنا زي انتصار نصر الله في 2008 ، أو ترجع هيبة 6 أكتوبر ، 10رمضان ، 73 ، وتحقيق حلم عمرنا اللي حلمناه سنين ، خط برليف اللي كان معيشنا في رعب ، وذاب في أيدنا بالعزيمة وبشوية مي ، ورجعنا منتصرين ، شجاعة الزيدي وفرحة قلوب الملايين ، ضرب إبليس بالـ جزمه وكلنا شاهدين ، هي دي الهيبة اللي غايبه عنا ، سبين العدو ومسكين لبعضنا سكاكين ، عايزين نأكل بعض أحياء أو بالعامية حيين
لازم يا عرب نتوحد وتبقي الأيد في الأيد ، صدقوني سعتها بس ممكن نفوت في الحديد ، ولكن ده حلم ، وده اللي أنا شايفه في حلمي ، الحلم اللي قلق منامي ، مش مهنيني في نومي ، خلاني هطلع من هدومي ، الحلم اللي بينا وبينه خطوه ، وشايفينه بعيد لأننا خايفين
{ السلام } الحلم اللي راح علشانه ألف شهيد و شهيد ، الحلم اللي علشانه دماء سالت ، ولسه بتزيد ..! السلام اللي علي حق ، سلام الخير والحق السلام اللي بعدل ربنا ، لكن علي حسابنه لا ، السلام اللي بكرامتنا ، اللي يبقي أمن وأمان للملايين ، السلام اللي تسانده القوه ، اللي تحفظ كرامتنا ، اللي تخلينا مش خايفين ، نعيش في أمن ، نعيش في أمان ، لكن تكون أيدنا تقيله ، علي الإرهاب والمحتلين ، ونعرف ناخد حقنا
من حبات عيون اللي يلمس أرضنا ، مش نتنهب ، ونفضل ساكتين ، هو ده السلام والـ القوه شرطيــن متوفرين السلام الحق ، لو واحده نقصت منهم يبقي عليه العوض ، ضايعين .. ضايعين أتوحدوا يا عرب ، بلاش كلمة وأنا مالي ، يا إخوانا صدقوني الوطن الغالي .
حقوقنا بتضيع واحنا للاسف لسه نايمين
نور عضو جديد
هواياتى : وطنى : مذاجى : الجنس : مشاركاتى : 50موقعى المفضل : www.alxchat.comمطربى المفضل : جورج وسوفنقاط : 55494
موضوع: رد: الوطن غالى غالى الثلاثاء سبتمبر 22, 2009 10:10 pm
صور تهز المشاعر الاطفال ملهمش ذنب بس حنقول اية ربنا ينصرهم يارب ويعم السلام بجد مودى كلمات جميلة جدااااااااااااااااااااااااااااااااااااااااااااااااااااااااا تسلم مودى
الخميس نوفمبر 04, 2010 5:39 am من طرف عـــاشـــ تـــامـــر ـــق
موضوع: الوطن غالى غالى 
صور تهز المشاعر الاطفال ملهمش ذنب بس حنقول اية ربنا ينصرهم يارب ويعم السلام