دمـــــــــوع الايام عليا

جربت ابكى ودموعى سبقت احزانى
همى مازال والحزن اكتر نادانى

بكيت على حبيب قلبى اختاره ونسانى
اول ماشوفته كنت محتاجه حد اتسند عليه

لقيت منه كل حنيه
لقيت الخوف عليا ف نظرة عينيه
كان كل يوم بيسأل عليا... بيطمن من غدر ايامى
مابقتش محتاجه لحاجه وانا جنبه

نسيت مخاوفى واوهامى

واما حكالى اسراره
حسيت انى بقيتله اقرب انسان
قلقه عليا خلانى فرحت
بصراحه فرحت...ماانا قولت الخوف للحب عنوان
حبيته وانا ف بالى انه بيحبنى كمان
وفضلت كل ليله اشوفه ف خيالى...دا خلى للياليا معنى
وحلمت بشكل حياتى معاه...شكل بيتنا اللى ح يجمعنا
ومن كتر شوقى معرفتش ادارى

محتاجه كلمة حب تطفى نارى
قولتله بحبك...يلا ح تقولها ازاى؟؟
ولا ح تاخدنى الاول ف حضنك؟؟

قاللى انا من كلامك مصدوم

ماتصورش تفتكرينى بحبك ف يوم

وفهمت...ماكملتش

هربت..ماتحملتش
انتهييييت
ضعت ومشيت اسأل الناس

هو الخوف والحنيه معناهم ايه؟؟
هو الحب اصلا احساسه ايه؟؟
مش يمكن يطلع الغلط منى..وانا اللى وهمت قلبى وجنيت عليه؟؟

سكتت خالص...ونزلت دموع تانيين

وصاحبنا واقف ولاهو هنا
عقله وافكاره تايهين
قال ف باله انتى بتحكى حكايتك ولا حكايتى

دا انتى زى ما انتهيتى
حطيتى بايديكى نهايتى
نفس الالم اهو صايبنى

لحظة جرحى دى لايمكن تسيبنى
اااه دا انا كنت بتنفس دلوقت بقيت مخنوق
ااااه من كسرتى ف عز ما انا قايد لهفه وشوق

» هجوم على البنات بجد هتصعبو عليا
» دعاء للوالدين فلا تبخل عليهما في هذه الايام الفضيله