نصائح من قلب سجين ---( جديد و راقي ) يرجى الدخول...

يا وليـدي يـا زهـرة العمـر بوصيـك
وبوصيك وأشـرح لـك ملخـص حياتـي

أول بدها ألقي التحيه حتى لناس ماتحييك
والإبتسامه تراها تزيد الرجل قدر وحلاتي

وأجعل مخافة الله رفيقتك فـي خطاويـك
و إختـر إذا خيـرت أخيـر الصايباتـي

وبطاعـة الوالديـن الله يقبـل مساعيـك
وطاعتهم الله فرضها قبل فرض الزكاتـي

جنتك دربها المضمون بطاعة أمك أبيـك
و مثلهم بالوالدين يعاملك ولدك و البناتـي

بعدها الدين لاتخالـف علومـه مباديـك
طاعة الله تفتح بوجهـك دروب مقفلاتـي

وأوصل حبال الرحم لجـل الله يرضيـك
دعوة عجوز من الأرحام تسوى السواتـي

وأختـر لبيتـك بنـت قـرم تجـاريـك
تصبر على عسـر الليالـي الظارياتـي

إن قلت يأم فلان لبت بالمسره رجاويـك
قليـل (ن) مطالبهـا كثيـره بالعطاتـي

والحرمه ألي لمرهـا بالزواجـه توليـك
أختـر لهـا رجـل عظيـم الصفـاتـي

يحشم و يرعـى فـي غيابـك سواديـك
إن جـاك خيـره و إلا سلمـت الغثاتـي

وأرفق باليتامى وإجعل حالهم دوم يعنيـك
كافل يتيم يلقى مـن الله خيـر الجزاتـي

أخـوك إذا أصبـح مـن البعـد ناسيـك
لا تشتكي غيبته ترى مـع الوقـت يأتـي

أخوك هـو سنـادك و يحمـي محاميـك
تلقـاه إذا جــارت بــك النايبـاتـي

الصاحب ألي ما يثمـن جزيلـة معانيـك
ياتيك من رفقته بيـن الخلايـق شماتـي

الصديق ألي تريده في حياتـك يخاويـك
أختر صديق(ن) ما مشى لدرب الرداتـي

القريب ألي في حياتـه يجمـع خطاويـك
لا تمنحه فرصه وأكتـب عليـه الهباتـي

وباب دارك لا تفتحه إن يطرقوه الصعاليك
ما عمر صعلوك (ن) على الطيب ماتـي

والضيف إذا جاك إلـى الـدار ناصيـك
كرامتـه طبـع الـرجـال الغانمـاتـي

الجـار واجـب تحسبـة مـن أهاليـك
هـذه وصيـة محمـد عليـه الصلاتـي

وأحذر تبين عـداك مـن هـو يعاديـك
درب الركاده خيـر مـن درب العداتـي

وقرشك الزايد أحفظـه للشـدات يكفيـك
يكفيك إذا هبـت عجـاف (ن) عاتياتـي

و التعامـل بالبساطـه يسهـل مساعيـك
كم البساطه تهـون أمـورك المعسراتـي

والقناعه كنز وهي بستر الحـال تغنيـك
تغنيـك فـي سـود الليالـي المقفراتـي

درب الكبـر كـل مـا مشيتـه يوطيـك
وتضحك أمامك ناس فغيبتـك حاقراتـي

ألي ينم الناس عنـدك عندهـم بايعريـك
وألي يعنينك ع الغلط هذا خبيث النواتـي

و لا تنتخـي للحمـل إذا الهـم ناخيـك
أوقف و ربك يجلي همـوم (ن) مثقلاتـي

أرم الجمايل وهي مـع الوقـت تلاقيـك
ومكسب ألاجواد عز لظروفك القاهراتـي

تاتيك في الشدات و ما تخيـب هقاويـك
الصاحب الجيـد وقـت الضيـق ياتـي

و الظـروف لا تخليهـا تكسـر معاليـك
تراها تزول ويعقـب شقاهـا بالرضاتـي

نصيحة أبوك وحطها ياوليدي بين عينيـك
و إحذر تخالـف يـا وليـدي وصاتـي