حٌ‘ـكــآيــه...!!!!

نزلت في حكاية حبي ليك الستار
و إعتبرت إنهزامي قدام حبك إنتصار

إنتصار بإحساسي لحظة حب و دفا و امان
غيري إتمنى يحسها و مش هيحسها حتى لو طال بيه الزمان

عارفه إني في غابات حبك لوحدي بحارب
و إني زي كل المجانين حاولت ألمس بإيدي الكواكب

بحبك و أنا عارفه إني حتى مش موجوده في هامش حياتك
حبك جري في دمي و ودى قلبي لسكة المهالك

خلاني ما أقلش غير كلمة بحبك و ما افكرش في النهايه
صعب أفكر فيها و مش انا الي اخترت البدايه

بحبك غصب عني
و بحس بحبك لكن في حلمي
بحبك و عارفه صعب يوصل لقلبك قلبي
لأن ببساطه نجوم سمايا أقربلي

و من تاني في غابات حبك لوحدي هحارب
و زي كل المجانين هحاول المس بإيدي الكواكب
لا في حربي ها انتصر و لا هلمس الكواكب
و هتفضل في عذابك يا قلبي طول ما إنت في حبه دايب

دوب يا قلبي كمان و كمان
مش هتنول غير العذاب الوان

يالله بقى مش إنت الي إخترت طريق هواه
دوق عذابه و ما ترجعش تقولي تعبت من قولة آه